સધળું સર્વસ્વ તારું પણ તું મારો



સ્વરૂપ લીલી છમ ધમ ધમતી,
નદીઓથી ભરપુર છલ છલતી ,
માટીની ખુશ્બુથી મધ મધતી ધરતી,
ઓ છેલાજી તારી છે!
રંગીલાજી તારી છે ;

તારક વૃંદ થી સાજ સજતું ,
ચન્દ્ર ની શીતળતા અર્પતું ,
સુરજ કેરી રોશની પાથરતું આકાશ,
ઓ છેલાજી તારું છે !
રંગીલાજી તારું છે.

પ્રેમ રૂપી સઘળી ભાવના,
હ્રદયની અંતર તણી કામના,
સધળા આત્માની સદભાવના,
ઓ છેલાજી તારી છે !
રંગીલાજી તારી છે ;

ઓ સૃષ્ટી તણા સર્જનહાર,
જીવન નૈયાના ખેવનહાર,
સધળું સર્વસ્વ તારું છે ,
પણ છબીલા તું મારો છે !
ઓ રંગીલા તું બિંદલ નો છે!
હા સાંવરા તું મારો જ છે .



Comments

Popular posts from this blog

प्रार्थना

उनसे बेहतर बताओ ना