કિનારે બેઠી હતી પણ મજધારમાં સમાઈ ગઈ

કિનારે બેઠી હતી પણ મજધારમાં સમાઈ ગઈ હવે તો અજવાળા થયા રાત અંધારી રેલાઈ ગઈ, પ્રભુ તારી કૃપા આ દિલ પર એવીતો છવાઈ ગઈ; ઈશ્વર નશ્વરની વાતોમાં બંધાયેલી હું, આજ તો, જાણે તુજ દીવા દાંડીની રોશનીથી અંજાઈ ગઈ; સુરજ સન્મુખ ન'તી થા'તી નજર પણ, આજ તો, તુજને નિહાળ્યો તો સુરજની જાખપ વર્તાઈ ગઈ; અસત્યના કચવાટનો અફસોસ નથી સાંવરા! બિંદલ તુજ અથાંગ પ્રેમ સાગરમાં લહેરાઈ ગઈ; ગુરુ પૂનમને ટાણે ભરતી આવી અચાનક એવી, કિનારે બેઠી હતી પણ મજધારમાં સમાઈ ગઈ.